საცხოვრებელი სახლი თხინვალაში
პროექტის მთავარი გამოწვევა დახრილი რელიეფი გამოდგა. მიზნად სახლის ბუნებრივ რელიეფთან ისეთი შერწყმა დავისახეთ, რომ ეზოსთვის სივრცე არ დაკარგულიყო. შედეგად სახლის წინ განლაგებული რელიეფური ტერასები მივიღეთ, რაც ესთეტიკურთან ერთად, ფუნქციურ ღირებულებასაც ატარებს.
სახლის ღიობების სტრატეგიულად სწორი მოწყობის დამსახურებით, მაცხოვრებლებისთვის ქალაქზე შესანიშნავი ხედები იშლება, ხოლო შიდა სივრცეში ჭარბად აღწევს ბუნებრივი სინათლე. “Barn House” ტიპის არქიტექტურა სახლს დახვეწილ, თანამედროვე ელფერს სძენს, რასაც ხის მოპირკეთება და, შავი ლითონის გადახურვა ემატება.
დიზაინის შექმნისას უმნიშნველოვანესი ფაქტორი ენერგოეფექტურობა იყო - სახლის განლაგება მზის სინათლის მაქსიმალურ ათვისებას უწყობს ხელს. დამატებით, ეზოში ღია აუზია განთავსებული, რომელიც სიმწვანეში ჩაფლულ მოსასვენებელ სივრცეს ქმნის.
შესაბამისად, სასიამოვნო ვიზუალთან ერთად, სწორი დაგეგმვის შედეგად ენერგოეფექტური და მდგრადი საცხოვრებელი მივიღეთ, რომელიც ბუნებრივად ერწყმის არსებულ რელიეფს და თანამედროვე არქიტექტურას გარემოსთან ჰარმონიულად აერთიანებს.
მოკლე აღწერა
ლისის ტბასთან ახლოს, სოფელ თხინვალაში, მდებარე ეს საცხოვრებელი სახლი მშვიდი გარემოთი და შთამბეჭდავი ხედებით გამოირჩევა. აქაურობა იდეალურია მათთვის, ვინც ქალაქის ცენტრიდან
მოშორებით უშფოთველ საცხოვრებელ მიდამოს ეძებს.
ლოკაცია
თხინვალა, თბილისი, საქართველო
მიწის ფართობი
600მ2
კვ.მ
290მ2
სართული
3
დასრულების თარიღი
2022
დამკვეთი
კონფიდენციალური
სერვისები
არქიტექტურა, მშენებლობა
პროექტის გუნდი
დათა კაპანაძე, მარიამ ქავთარაძე
დაგვიკავშირდით
ერთად ვაქციოთ თქვენი ჩანაფიქრი რეალობად, შევქმნათ სივრცე, რომელიც გამოხატავს თქვენს ინდივიდუალიზმს
შეავსეთ საკონტაქტო ფორმა და უმოკლეს დროში დაგიკავშირდებით